[Chorus: Klumcee]

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Bakit ba laging hinahayaan?

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Handang masaktan kung kinakailangan

[Verse 1: Shanti Dope]

May lakad ka ba mamaya? Pwede ka ba makasama sa paggagala?

Kung sakaling 'di ka puwede sa bagay, meron din akong ginagawa

Siguro nga napapaisip ka, ba't ako nangangamusta?

Ilang araw ka nang naroon sa panaginip ko nag-aalala lang ako baka sa'n ka mapunta

Pero mukhang ayos ka naman kahit 'di na kita abalahin pa

Ilang "Ama Namin" pa ba ang dapat? Para patago kang mag-alala sa'kin (Uh)

Habang pinapantasya lamang nila ay mascara mo sa gabi at pitaka mo sa umaga

'Yung ikaw sa likod ng kolorete pa din ang nangangahulugan sa salitang "paraiso" para sa'kin

Bakit kaya kayamanan ko pa ding kinikilala? Ang iyong pagtawa

Kahit na sa puso mo man ay ilang dosena na din ang kasya

Dati pa 'kong pinagdamutan ng kapalaran kaya 'di na bago sa'kin mawalan ng pag-asa

Ala-una ng umaga na naman, tawagan mo na lang ulit ako kapag hindi na kayo magkasama

[Chorus: Klumcee]

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Bakit ba laging hinahayaan?

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Handang masaktan kung kinakailangan

[Verse 2: Shanti Dope]

May lakad ka ba mamaya? Sana madaanan mo 'ko pagkatapos

Sabihin mo ngayong ako'y makakaasang, dito ka dadalhin ng iyong sapatos

Kung ngayong gabi lang naman ang magiging dahilan ay handang-handa pa din naman ako mamaos

Nakakaluwag ka man ay sa mas nakakalibang na paraan kita tutulungan makaraos

Bakit ka nagparamdam? Siguro 'di na kayo nilanggam

Ba't kaya 'di niya alam ang 'yong halaga't kung ga'no ka kalinamnam?

Iniwasan ko mang matakam nang 'di halata ang hirap na magpabaya

Kapag tawag na ng laman ang nagbadya, makipaglangit-lupa ng walang taya

Mata sa mata, bibig sa bibig, mga ingay na tayo lang dalawa nakadinig

Nakatawang umidlip sa kama pero ba't wala ka na pagsapit ng umaga?

[Chorus: Klumcee]

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Bakit ba laging hinahayaan?

And'yan ka na naman

Ba't 'di ko maiwasang tumingin sa'yong liwanag?

Nadarang na naman sa'yong apoy

Handang masaktan kung kinakailangan